ایہہ سوچاں سوچ کہ دل میرا کیوں پارا پارا ہو جاندا

ایہہ  سوچاں  سوچ   کہ  دل  میرا   کیوں   پارا  پارا   ہو جاندا
جے ہر تھاں تے موجود ہیں تو ،  فر کیوں  نہیں نظارہ ہو جاندا


گزران میری کی پوچھدا ایں ، ایہہ گل کوئی  پوچھنے والی اے
دو نین جدوں  رو لیندے نیں ، دو  دن   لئی    گزارا   ہو   جاندا


میں  ساقی  اپنی  توبا  دے  ،  اک   پل  وچ   ٹوٹے  کر   دیندا
جے   نظراں  نظراں   وچ   تیرا ،   اک    وار    اشارہ   ہو   جاندا


 جے لاش میری تے  آ جاندوں ،  اس  وچ  تیرا  کی جاندا  سی
تو  نیکیوں   دامن  بھر  لیندوں ، میں  زندہ   دوبارہ   ہو   جاندا


کیوں  کعبے  تے بت خانے دی ، پابندی  جوگی   گل   پا   لاں
میں جس تھاں متھا ٹیک دیاں ، اوہ   تیرا    دوارا     ہو    جاندا


ایہہ  سوچاں  سوچ   کہ  دل  میرا   کیوں   پارا  پارا   ہو جاندا

Sung By Ustad Nusrat Fateh Ali Khan